Komuna e Prishtinës ka aprovuar Pakon për ndihmë të të gjithë qytetarëve të Komunës së Prishtinës të infektuar me COVID-19, që nga fillimi i pandemisë, e që janë të evidentuar në listën zyrtare të IKSHP. Këto mjete, me siguri nuk janë të mjaftueshme për të mbuluar kostot e shpenzimeve gjatë fazës së shërimit të bashkëqytetarëve, por që qëllimi i kësaj pako është ndihma dhe kujdesi ndaj të gjithëve që ishin ose janë të infektuar. Kjo ndihmë do të vazhdon edhe gjatë vitit 2021, dhe të gjithë qytetarët që potencialisht mund të infektohen në të ardhmen mund të aplikojnë për këtë ndihmë.
Të gjithë qytetarët duhet t'a kenë parasysh që:
1) Aplikimi për këto mjete mund të bëhet nga çdo qytetar i Komunës së Prishtinës që figuron në zyret e Gjendjes Civile dhe që ka rezultuar pozitiv në testin RT - PCR (pra, që është në listat e IKSHPK-së).
2) Aplikimi duhet të bëhet nëpërmjet një email-i aktiv, pasi që aty do të pranoni kodin me të cilin do të identifikohet aplikimi juaj "KODI UNIK".
3) Aplikimi mund të bëhet vetëm me llogari bankare aktive personale në Kosovë (jo me llogari bankare të familjarit apo kujtdo tjetër).

Ky program nënkupton se të gjithë qytetarët e Komunës së Prishtinës të infektuar me COVID-19, mund të APLIKOJNË ONLINE për këtë ndihmë financiare që e ofron Komuna e Prishtinës. Vetëm aplikimet Online mundësojnë përfitimin e kësaj ndihme financiare. Aplikimi do të jetë i hapur gjatë tërë kohës sa zgjat pandemia.
Ju lutemi që gjatë aplikimit të plotësoni me saktësi numrin e juaj personal si dhe llogarinë bankare. Vetëm qytetarët e Prishtinës të regjistruar pranë Zyrës së Gjendjes civile mund të aplikojnë. Nëse qytetari jeton dhe vepron në Prishtinë, por nuk e ka vendbanimin e regjistruar pranë Gjendjes Civile – AI/AJO NUK MUND TË JENË PERFITUES të ndihmës financiare.
Sa është ndihma financiare?
- Të gjithë qytetarët e infektuar deri në moshën 65 vjeçare – përfitojnë 50 Euro
- Të gjithë qytetarët e infektuar mbi moshën 65 vjeçare (pensioner) – përfitojnë 100 Euro
- Një anëtar i personit të vdekur nga pandemia, ka të drejtë të aplikon dhe ai familjar do të kompensohet në vlerë 50 ose 100 Eur, varësisht nga mosha e të ndjerit
Në momentin që Ju aplikoni, Ju dakordoheni që të dhënat e Juaja personale do të përdoren ekskluzivisht për qëllimin e zbatimit të pakos financiare për qytetarët e Prishtinës të infektuar me COVID-19, dhe nuk do të përdoren për asnjë destinim tjetër.

APLIKO PËR NDIHMË